შეფასების რუბრიკები

ზოგადი შეფასების რუბრიკა

1 ქულა	საერთოდ ვერ იყენებს ცნებებს, აღნიშვნებს, ვერ იგებს დასმულ ამოცანას, გამოთვლები არაადეკვატურია.
2 ქულა	არადეკვატურად იყენებს ცნებებს, აღნიშვნებს, ვერ პოულობს ამოცანის ამოხსნის გზას, გამოთვლები არ მეტყველებს ამოცანის გაგებაზე.
3 ქულა	არასრულყოფილად წარმოადგენს მონაცემებს, ამოიცნობს ორი ოდნავ განსხვავებული ფორმით წარმოდგენილ, იდენტურ მათემატიკურ ობიექტს (მაგ. განსხვავებული ასოითი აღნიშვნებით ჩაწერილ ერთსა და იმავე ალგებრულ გამოსახულებას).
4 ქულა	იყენებს ამოცანის ამოსახსნელად საჭირო ზოგიერთ ცნებას და აღნიშვნას, არაორგანიზებულად წარმოადგენს მონაცემებს, პოულობს ამოცანის ამოხსნის რომელიმე გზას, მაგრამ გამოთვლები არასწორია.
5 ქულა	იყენებს ამოცანის ამოსახსნელად საჭირო ზოგიერთ ცნებას და აღნიშვნას, არაორგანიზებულად წარმოადგენს მონაცემებს. იწყებს ამოცანის ამოხსნას, მაგარმ ვერ ასრულებს მას. ამოიცნობს ორი განსხვავებული ფორმით წარმოდგენილ იდენტურ მათემატიკურ ობიექტს. (მაგ. სხვადასხვა ფორმით წარმოდგენილ ერთსა და იმავე ასახვას), შეიცავს გამოთვლების ძირითად ნაწილს, რეალიზება ნაწილობრივ არასწორია.
6 ქულა	იყენებს ამოცანის ამოსახსნელად საჭირო ცნებების და აღნიშვნების უმეტესობას, პოულობს ამოცანის ამოხსნის გზას, მაგრამ გამოთვლები შეიცავს ხარვეზებს. ხარვეზებით აღწერს კავშირს სხვადასხვა სტანდარტულ მათემატიკურ ობიექტს შორის.
7 ქულა	იყენებს ამოცანის ამოსახსნელად საჭირო ცნებების უმეტესობას, ახდენს მონაცემთა ორგანიზებას და წარმოდგენას. პოულობს ამოცანის ამოხსნის გზებს, მიყვება მას, თუმცა ხარვეზებით. აღწერს კავშირს სხვადასხვა მათემატიკურ ობიექტსა თუ პროცედურას შორის. (მაგ. განტოლების ამოხსნა და მოცემული ასახვისათვის მოცემული მნიშვნელობის წინასახის პოვნა) გამოთვლები ძირითადად სწორია,  შეიცავს ტექნიკური ხასიათის ხარვეზებს.
8 ქულა	იყენებს ამოცანის ამოსახსნელად საჭირო  თითქმის ყველა ცნებას, პოულობს ამოცანის ამოხსნის გზას, გამოთვლები ძირითადად სწორია, აღწერს კავშირს სხვადასხვა მათემატიკურ ობიექტებს შორის.
9 ქულა	იყენებს ამოცანის ამოსახსნელად საჭირო ყველა ცნებას, აღნიშვნებს, ირჩევს მონაცემთა ორგანიზებისა და წარმოდგენის საუკეთესო ფორმას. პოულობს ამოცანის ამოხსნის გზას, გამოთვლები სწორია, აღწერს და იყენებს კავშირს სხვადასხვა მათემატიკურ პროცედურებს შორის (მაგ. იყენებს ალგებრულ გარდაქმნებს და ტოლობა/უტოლობის თვისებებს გეომეტრიულ დებულებათა დასაბუთებისას).
10 ქულა	იყენებს ამოცანის ამოსახსნელად საჭირო ყველა ცნებას, დებულებას და აღნიშვნას, ირჩევს მონაცემთა ორგანიზებისა და წარმოდგენის ოპტიმალურ ფორმას. პოულობს ამოცანის ამოხსნის ოპტიმალურ გზას და ბოლომდე ახდენს მის რეალიზებას, აღწერს და იყენებს კავშირს სხვადასხვა მათემატიკურ ობიექტებსა თუ პროცედურებს შორის.   გამოთვლები სწორია, არჩეული და გამოყენებული აქვს გამოთვლების ოპტიმალური ხერხი. Aარის შემოქმედებითი ადამიანი.

ჯგუფური მუშაობის შეფასების რუბრიკა

კრიტერიუმები	ძალიან კარგი	საშუალოზე მაღალი	საშუალო	დაბალი
სამუშაოს მიზნის გააზრება	სამუშაო მიზანი კარგად გააცნობიერა	სამუშაო მიზანი გააცნობიერა	სამუშაო მიზანი ნაწილობრივ გააცნობიერა	სამუშაო მიზანი კარგად ვერ გააცნობიერა
სამუშაოს ორგანიზება	სამუშაო კარგად ორგანიზებული იყო, ფუნქციები სწორად და თანაბრად გადანაწილდა	სამუშაო  ორგანიზებული იყო, ფუნქციები არათანაბრად გადანაწილდა	სამუშაო ნაწილობრივ იყო  ორგანიზებული, ფუნქციები არათანაბრად გადანაწილდა	სამუშაო არ იყო  ორგანიზებული, ფუნქციები არ გადანაწილებულა
ურთიერთქმედებისა და აზრთა გაზიარების უნარი	გააჩნიათ საუკეთესო ურთიერთქმედებისა და აზრთა გაზიარების უნარი	საკმარისად გააჩნიათ ურთიერთქმედებისა და აზრთა გაზიარების უნარი	ნაწილობრივ გააჩნიათ ურთიერთქმედებისა და აზრთა გაზიარების უნარი	არ გააჩნიათ მოსმენისა და აზრთა გაზიარების უნარი
დროის ლიმიტი	საუკეთესოდ იცავენ დროის ლიმიტს	საკმარისად იცავენ დროის ლიმიტს	უჭირთ დროის ლიმიტის დაცვა	ვერ იცავენ დროის ლიმიტს
თანამშრომლობა	ორივე წევრი იყო აქტიური  და სამუშაო ნაყოფიერი, წევრებს შორის იყო პოზიტიური და საქმიანი ურთიერთობები	ორივე წევრი იყო აქტიური  და სამუშაო ნაყოფიერი, ჯგუფის წევრებს შორის ძირითადადპოზიტიური და საქმიანი ურთიერთობები იყო	მხოლოდ ერთი მოსწავლე აქტიურობდა,  აქტიურ  და პასიურ მოსწავლეს შორის ზოგჯერ ურთიერთობები იძაბებოდა	არც ერთი წევრი არ იყო აქტიური,  წევრებს შორის არ შეინიშნებოდა თანამშრომლობითი გარემო

პრეზენტაციის შეფასების რუბრიკა

ამ შემთხვევაში თითოეულ კრიტერიუმში დაიწერება 1 ქულა

	მოსწავლის გვარი და სახელი
კრიტერიუმები	1	2	3	4	5	6	7	8	9
საინტერესო შესავალი
კვლევის / ნაშრომის წარმოჩენის უნარი
შემოქმედებითი უნარი
პრობლემის გადაჭრის გზების შეთავაზება
თემის ლოგიკური ჯაჭვის გასაგებდ წარმოდგენა
საუბარი გამართულია
თვალსაჩინოების გამოყენება
აუდიტორიასთან კონტაქტი
ინფორმაციის ფლობის უნარი(ადექვატური კითხვა–პასუხი)
დროის ლიმიტის დაცვა
ჯამი